試管嬰兒｜妻子懷孕6周BB突失心跳　準爸爸憂流產求集氣：希望大步檻過

【試管嬰兒/IVF/懷孕/流產】懷孕期間最擔心孩子安危。一名準爸爸在網上討論區求集氣，指自己與妻子以試管嬰兒成功懷孕，可惜在第6周胎兒突然失去心跳，至今生死未知，需等待一周後再次檢查。準爸爸眼見胎兒情況未有好轉，加上妻子自懷孕身體轉差，直指好大壓力，「希望BB同老婆都要加油，可以大步檻過！」

最新影片推介：

該名準爸爸在連登討論區發文，以「懷孕原來唔易」為題。指自己與妻子接受試管嬰兒手術，於第4周驗孕時得知成功懷孕，感到十分開心。惟到妻子懷孕第6周，如常做陰道超聲波檢查，怎料醫生發現胎兒突然無心跳，表示有可能是胚胎發展未成熟，或是流產，吩咐一星期後再去檢查。兩夫妻這兩天都互相安慰，可能因為試管嬰兒發展較慢，才導致突然失去心跳。

準爸爸感壓力大

面對晴天霹靂的情況，準爸爸感到無力又煎熬，直指「雖然都知無咩可以做，但其實我自己係好緊張好大壓力」。他留意到妻子由懷孕至今身體變化帶來種種不適，自己都盡量提早收工回家陪伴和照顧妻子。他眼見妻子不舒服，其實自己也十分不安。加上現在胎兒情況未有好轉，檢查後仍無心跳。準爸爸直指，「嚟緊呢個星期真係好難頂」，並且為BB和妻子打氣。

希望BB加油！老婆都要加油！希望可以大步檻過，求集氣！

網民：加油，為你哋打氣！

網民紛紛送上支持，為一家人打氣。「加油，為你哋打氣！」、「樓主加油，好好陪老婆分擔下佢啲壓力，BB一定會冇事！」不少網民分享身邊人的經驗，安慰樓主不用太擔心，「係會有咁嘅情況，我屋企人之前都係咁，最後都有BB出世，平常心唔好咁緊張！」、「好好休息坐小月，保持心境開朗，懷孕頭三個月好辛苦！」、「盡量平常心，其實初期流產的機率都唔細，為免空歡喜，直頭遲少少先去check第一次會好啲！」

有人建議一般在胎兒更成熟時才去檢查，會更穩定。「6周真係有機會未check（檢查）到心跳，唔好太擔心住」、「其實我覺得有時照超聲波，真係等7週先好去」、「太早照唔到嘢就會好驚，而且情緒會影響個胎，叫你老婆放鬆啲夜晚去散下步！」、「之前都聽過唔小係未發展好所以聽唔到！」

中小學測考季即將來臨，TOPick精選名校的中、英、數、常練習題：立即免費下載

HKET App已全面升級，TOPick推出親子、健康、娛樂、港聞及休閒生活資訊及影片，立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5